អ្វីដែលនៅពីក្រោម UNDERLYING
ខែ ឧសភា 8, 2008
« អ្វី ដែល នៅពី ក្រោម» គឺ ជា ប្រធាន បទ របស់ ការ តាំង ពិព័រណ៍បង្ហាញ ពី សិល្បៈ សហសម័យ របស់ ប្រទេស ក្នុង អនុ តំបន់ ទន្លេ មេគង្គ ដែល បាន ប្រ ព្រឹត្តទៅតាំង ពី ថ្ងៃទី ០៦ ខែ កុម្ភៈ ឆ្នាំ ២០០៨ និង កំពុង បន្ត រហូត ដល់ ថ្ងៃ ទី ១៣ ខែ មិថុនាទើប បញ្ចប់។
អ្នក រៀប ចំ (អ្នក អភិរក្ស) ហៅ ពិព័រណ៍ «អ្វី ដែឡលនៅ ពី ក្រោម /ន័យ បង្កប់» នេះ ថា ជា ដំណើរ នៃ ការ ប្រៀប ធៀប ដើម្បី បើក កកាយ ពី ប្រធានបទ ដែ ល បង្ហាញ ភាព ផ្សេង គ្នា នៃ ចរិត លក្ខណៈ របស់ មនុស្សម្នាក់ៗ បញ្ហាសង្គម និង របៀប រស់ នៅ ក្នុង តំបន់ ក្នុង សម័យ នេះ ។
ពិព័រណ៍ នេះ បង្ហាញ ស្នាដៃ សិល្បៈ របស់ វិចិត្រ ករ ចំនួន ២០រូបមកពី កម្ពុជា សាធារណរដ្ឋប្រជា ធិបតេយ្យឡាវ ថៃ និង វៀតណាម ដោយ ក្នុង នោះ ប្រទេស នីមួយ ៗ ត្រូវ មាន ប្រធាន បទ រង មួយ ទៀត បន្ទាប់ ពី ប្រធាន បទ ធំំ «អ្វី ដែល នៅ ពីក្រោម» ដើម្បី ជា ការ ងាយ ស្រួល ក្នុង ការ យល់ ដល់ អត្ថន័យ បង្កប់ ដែល មាន ក្នុង ផ្ទាំង គំនូរ នី មួយៗ។
ខាង ក្រោម នេះ គឺ ជា ពេលវេលា ទីកន្លែង និង ប្រធាន បទ រង ដែល ប្រទេស នី មួយៗ បាន ជ្រើស រើសយក សម្រាប់ ការ តាំង ពិព័រណ៍លើក នេះ ៖
ប្រទេសថៃ, «ចំណុចដែលមើលមិនឃើញ», ពិព័ណ៍ នៅ មន្ទីរវប្បធម៌តាឌូ, ក្រុងបាងកក ចាប់ ពី ថ្ងៃ ទី០៦ កុម្ភៈ ២០០៨ ដល់ ថ្ងៃទី ០៥ មីនា ២០០៨
ប្រទេស កម្ពុជា, «អ្វីដែលនៅពីក្រោយផ្លូវ», ពិព័ណ៍ នៅ មេត្តាហាវស៍Meta House, ភ្នំពេញ ចាប់ ពី ថ្ងៃ ទី២១ មីនា ២០០៨ ដល់ថ្ងៃទី ០៨ មេសា ២០០៨
ប្រទេសឡាវ, «អ្វីៗអាចត្រូវបានគេមើលឃើញក្នុងផ្លូវខុសៗគ្នា», ពិព័ណ៍ នៅ ផ្ទះវប្បធម៌បានណាសៃ, ក្រុងវៀងវ័ន្ទ ចាប់ ពី ថ្ងៃ ទី ២៥ មេសា ២០០៨ ដល់ថ្ងៃទី ១៥ ឧសភា ២០០៨
ប្រទេស វៀតណាម, «ចំណុចប្រសព្វនៃទន្លេ», ពិព័ណ៍ នៅ មជ្ឈមណ្ឌលសិល្បៈវៀតណាម, ក្រុងហាណូយ ចាប់ ពី ថ្ងៃ ទី ៣០ ឧសភា ២០០៨ ដល់ថ្ងៃទី ១៣ មិថុនា ២០០៨ ។
សូមអភ័យទោស ការផ្សាយដំណឹងនេះមានការយឺតយ៉ាវបន្តិចទៅហើយ ដោយព្រះរាជាណាចក្រកម្ពុជា និងថៃបានធ្វើពិព័រណ៍នេះរួចទៅហើយ នៅសល់តែប្រទេសឡាវ និងវៀតណាមប៉ុណ្ណោះ ដែលកំពុងតែដាក់តាំងពិព័រណ៍ និងរង់ចាំពិព័រណ៍បន្តនៅឱកាសបន្ទាប់។ ដូច្នេះសម្រាប់បងប្អូនដែលរស់នៅប្រទេសឡាវ និងវៀតណាមអាចទៅ ចូលរួមទស្សនាបាន តាមពេលវេលាដែលបានកំណត់ដូចខាងលើ។
គំនូរគូរដោយ វិចិត្រករខ្មែរៈ សុដាវី សួស
គំនូរគូរដោយ វិចិត្រករវៀតណាមៈ លីត្រាញ់ ខាញ់កៀង
គំនូរគូរដោយ វិចិត្រករថៃៈ នូផាត អាក្លា
គំនូរគូរដោយ វិចិត្រករឡាវៈ ម៉ារីសាដារាសាវ៉ាត
ដោយវិចិត្រករខ្មែរៈ សុភាព ពេជ្រ
ដោយវិចិត្រករថៃៈ ពីម ស៊ូឌីខាម
Entry Filed under: ដំណឹងផ្សេងៗ, ដំណឹងពីសបប.ឡាវ. .
Trackback this post | Subscribe to the comments via RSS Feed