អំណោយសៀវភៅពីប្រទេសខ្មែរ

 

កាលពីថ្ងៃទី១៨ ខែតុលា ឆ្នាំ២០០៧កន្លងទៅនេះ   សៀវភៅចំនួន៩០ក្បាល
និងវីស៊ីឌីចំនួន២៥បន្ទះ   ត្រូវបានប្រគល់ជូនបណា្ណល័យម.សឡាវរួចរាល់ហើយ
បន្ទាប់ពីបានទទួលពី សប្បុរសជន  អ្នកនិពន្ធ  សាស្រ្តាចារ្យ  និស្សិត  និងអង្គការ
សមាគមនានាពីប្រទេសខ្មែររួចមក។

សៀវភៅទាំងនោះភាគច្រើនជាសៀវភៅប្រលោមលោក  ឯភាគតិចជាសៀវ
-ភៅប្រវត្តិសាស្រ្ត និងអក្សរសាស្រ្តខ្មែរ។ មូលហេតុចំបងដែលនាំឲ្យមានការផ្តល់
អំណោយជាសៀវភៅបែបនេះ   ដោយហេតុយើងសង្កេតឃើញថា   ភាសាអក្សរ
សាស្រ្តខ្មែរយើង ហាក់ដូចជាអន់ថយជាពន់ពេកណាស់    បើទោះជាប្រៀបធៀប
ជាមួយភាសាប្រទេសជិតខាងក្តី (ថៃ,វៀតណាម)។ ក្នុងបណ្ណាល័យនៃសាកលវិទ្យា
ល័យដ៏ធំមួយរបស់ប្រទេសឡាវ   សៀវភៅជាភាសាខ្មែរមានត្រឹមតែមួយក្បាលគត់
ទន្ទឹមនឹងសៀវភៅភាសាយួន  មានដល់ទៅ២ទូពេញ ។ ជាការពិតមិនមែនមានតែ
ប្រទេសនេះមួយទេ   ដែលមានសៀវភៅភាសាខ្មែរតិចតួចស្តួចស្តើងនោះ    សូម្បី
ប្រទេសដទៃទៀតក៏មានសភាពដូចនេះដែរ  បើទោះជាមានពលរដ្ឋខ្មែរ និស្សិតខ្មែរ
និងមន្ត្រីស្ថានទូតខ្មែរប្រចាំនៅទីនោះក្តី។

បើយើងក្រឡេកមើលពលរដ្ឋថៃ  និស្សិតថៃ  និងមន្ត្រីស្ថានទូតគេវិញ   គឺគេមានមន
សិការចំពោះភាសាអក្សរសាស្រ្តគេណាស់   គេទៅដល់ទីណាគេដាក់ទៅតាម,តិចក្តី
ច្រើនក្តី   គេធ្វើជាអំណោយទៅដល់ប្រទេសដែលគេបានទៅដល់ជានិច្ច    ហេតុនេះ
ហើយទើបភាសាគេរីកចំរើន   ហើយមានគេស្គាល់ច្រើន។ ពលរដ្ឋខ្មែរគ្រប់រូប គួរតែ
ពិចារណាឲ្យបានមែនទែនចំពោះបញ្ហានេះ   ពិសេសនិស្សិតខ្មែរដែលបានទៅរៀន
នៅបរទេស  មិនគួរខ្លាចធ្ងន់ទេបើ់ត្រឹមសៀវភៅ២,៣ក្បាលនោះ ។

ឆ្លៀតក្នុងឳកាសនេះដែរ   ខ្ញុំក៏សូមគោរពថ្លែងអំណរគុណយ៉ាងជ្រាលជ្រៅចំពោះ
សប្បុរសជនទាំងអស់ដែលបានឧបត្ថម្ភទាំងសៀវភៅ ទាំងវីស៊ីឌីដល់បណ្ណាល័យម.ស
ឡាវដូចមានរាយនាមខាងក្រោមនេះ៖
១. អ្នកគ្រូ សំរិត​  សុទ្ធា   សាស្រ្តាចារ្យអក្សរសាស្ត្រខ្មែរនៃសាកលវិទ្យាល័យភូមិន្ទភ្នំពេញ
២. អ្នកគ្រូ ប៉ាល់  វណ្ណារីរក្ស   អ្នកនិពន្ធខ្មែរ
៣. លោក ខូ  តារារឹទ្ធ   ប្រធានសមាគមអក្សរសិល្ប៍នូហាច
៤. លោក យិន ​ លួត   អ្នកនិពន្ធខ្មែរ
៥. អ្នកស្រី កែវ   ច័ន្ទបូរណ៍    អ្នកនិពន្ធខ្មែរ
រួមនឹងសប្បុរសជនដទៃទៀតដែលមិនបានរៀបរាប់ឈ្មោះ។

មាលាដួងចិត្ត«វគ្គ១១ចប់»

មាលាដួងចិត្ត«វគ្គ១០»